autoclismototal

sms

2005-05-05T12:29:00.000+01:00

Cousas que nos chegam por sms:

"Campiom do mundo de mountain bike provoca destrozos em mobiliário urbano em Vigo, esta fim de semana. Estamos a aguardar pola condena da CIG (passa-o)".

E como diziam os outros (eram outros também os tempos), se isto vos parece hermético, temos abrelatas.

Outro dia falaremos do tema da normativa.

Emigrar por recomendaçom da Junta (II)

2005-04-26T13:12:00.000+01:00

Já falaramos disto. Mas é que às vezes é impossível dizer que chove: é que mejam por nós.

Outro dia falaremos do tema da normativa (ainda que vendo o nível do debate no PGL, dam ganhas de marchar...)

Manuelmarianismo (II)

2005-04-15T12:04:00.000+01:00

Já avisaramos nós de que esta eterna praga divina de Manuelmarianismo furibundo e exacerbado nom ia ter fim. Isto que reproduzimos agora chegou pola rede.
Sam Caralámpio nos acolha a todos e a todas no seu seio, ou nas suas cuncas de vinho. Descanse em paz, hom, descanse em paz!

Homenaxe a Manuel María
Morrazo, abril 2005

A Comisión Organizadora dos actos da Homenaxe do Morrazo ao poeta Manuel María que se van celebrar os días 21, 22 e 23 de abril de 2005 no Auditorio Municipal de Cangas comunícalles os actos programados e solicítalles a súa colaboración na divulgación dos mesmos.

MESA REDONDA
"Manuel María, poeta nacional"
Auditorio Municipal de Cangas Xoves, 21 de abril ás 20 horas coa participación de intelectuais e escritores amigos coñecedores da súaobra MANUELA ÁLVAREZ, XOSÉ VÁZQUEZ PINTOR, BAUTISTA ALVAREZ, MIGUEL ANXO FERNÁN VELLO e BERNARDINO GRAÑA.
Presenta PILAR FERNÁNDEZ, poeta.

RECITAL POÉTICO
Día 22 de abril, venres ás 20,00 no AUDITORIO MUNICIPAL de Cangas.
Leitura de poemas de Manuel María.Coa participación do gaiteiro Iván Costa Blanco e a Coral Polifónica de Bueu

CONCERTO MUSICAL
Sábado, 23 de abril ás 21 horas no auditorio Municipal de Cangas coa participación de: Na Virada, Tino Baz, A Quenlla, Xavier Blanco, grupo de baile Axoúxeres- Meiramar: estrea da “Danza do Espantallo” (escenificación dunha escena agrícola) , Grupos tradicionais de GaitasManxadoira (Bueu) e Tromentelo (Coiro).

ENTIDADES QUE ORGANIZAN E PATROCINAN OS ACTOS DE HOMENAXE DO MORRAZO AO POETA MANUEL MARÍA: Asociación Cultural A Cepa (Cangas) Asociación de Mulleres (Moaña)Asociación Cultural de Meiro (Bueu) Asociación Nós (Moaña) Asociación Xiria (Cangas) Asoc. Cult. As Lagoas (Bueu) A.C. Cacarexo. Coiro (Cangas) Lonxa Literaria (Moaña) Casa Museo de Camaño Xestido A Mangallona Asociación de Veciños Rio Bouzós (Coiro) Embarcacións Tradicionais (Bueu) Casa dos Druídas (Vilaboa) Clube de Xadrez (Bueu) Cine- Club (Cangas) Cine-Clube ( Bueu) Libraría Maraxe (Cangas) Libraría O Puntillón (Moaña) Libraría Viláfer- Paula (Cangas) Libraría Abrente (Bueu) Agrupación Axóuxeres- Meiramar (Moaña) Grupo Tradicional Manxadoira (Bueu) Agrupación Musical Na Virada. Coral Polifónica de Bueu Equipo de Normalización Lingüística CEIP Espiñeira (Aldán) Teleinmobiliaria Caerpuma, S. L.Faro de VigoAuditorio Municipal de CangasConcello de CangasConcello de MoañaCIG- Ensino (Morrazo)Deputación Provincial de Pontevedra. Asociación de Escritores en Lingua Galega Asociación Socio-Pedagóxica Galega Mesa pola Normalización LingüísticaXornal A Nosa Terra.

O Morrazo, abril de 2005.
Comisión Organizadora
Homenaxe a Manuel María
"Un poema é un ser vivo que anda, respira, soña, chora, salouca, ama,berra, cintila e escurece, (...) E nunca morre". Manuel María

Outro dia falaremos do tema da normativa.

Exclusiva!: Descobrimos o motivo polo que Jaureguizar nom é reintegracionista (practicante)!

2005-04-15T11:39:00.000+01:00

Levavamos tempo tras desta informaçom, mas fruto dum extenso e intensivo trabalho da nossa equipa de investigaçom, dimos com o verdadeiro motivo de porquê o Jaureguizar nom é reintegracionista practicante.

E é que nom é o mesmo facer amigos com c que fazer amigos com z. ; )

Mas damos-lhe gratuitamente umha soluçom ao conflito: mude o nome do seu blog, e chame-lhe: A nova máquina de fazer amigos de Jaureguizar.

Outro dia falaremos do tema da normativa (!?).

PD/ A Maria Yañez também se pode fazer practicante, pois o TudoNada está livre no blogshome. Nom assim na sua antiga casa. De nada.

Para fazer um poema

2005-04-02T13:35:00.000+01:00

Pegue num jornal.
Pegue numas tesouras.
Escolha um artigo do jornal com o comprimento que quer dar ao seu poema.
Recorte o artigo.
De seguida recorte cuidadosamente cada uma das palavras do artigo e coloque-as numa bolsa.
Agite-a com suavidade.
Agora retire um recorte de cada vez.
Copie-os conscienciosamente pela ordem que saíram da bolsa.
O poema parecer-se-á consigo.
E você será um escritor de uma sensibilidade encantadora e infinitamente original, ainda que incompreendido pela gentalha vulgar.

Tristan Tzara (Para fazer um poema dadaísta)

Depois da tontaria de onte, dia das mentiras, hoje recolhemos cá este poema de Tristan Tzara, que sempre nos pareceu do melhor do melhor entre todo o melhor. Tiramo-lo dos Universos Desfeitos.

Outro dia falaremos do tema da normativa.

INTERNET SHUTDOWN

2005-04-01T10:59:00.000+01:00

Nom acostumamos a recolher cá os correios que nos enviam, mas este parece-nos especilamente importante, por tratar-se dumha questom tam séria. Fornecemos aos nossos leitores e leitoras para que actuem em conseqüência.
Depois nom vos lamentedes se as vossas conexons à Internet nom funcionam bem!

From: "INTERNET REPRESENTATIVE OFFICE PORTUGAL" Newsgroups: pt.geral, telepac.geral
Subject: INTERNET SHUTDOWN (Internet desligada por 1 dia)
Date: 1 Apr 2005 00:00:00 GMT
Organization: IRO

AVISO

Chegou, outra vez, aquela altura do ano!

Tal como muitos de vocês sabem, todos os anos a Internet tem que fechar por um período de 24 horas, de maneira a permitir uma limpeza geral.

O processo de limpeza, que elimina os e-mails perdidos, ftp's inactivos, www e outros locais perdidos. Isto permite melhorar a produtividade e aumentar a velocidade.

Este ano, o processo de limpeza terá lugar desde as 00:01 UT até às 23:59 UT de dia 1 de Maio (que por ser feriado universal irá causar impactos mínimos).

Durante este período de 24 horas, cinco poderosos motores de busca, situados em locais estratégicos do mundo inteiro, procurarão a Internet e apagarão quaisquer documentos obsoletos que encontrarem.

De maneira a proteger os seus dados valiosos, pedimos que faça o seguinte, ANTES das 00:00 UT de 1 de Maio:

1. Desligue todos os terminais e cabos de rede das ligações Internet.

2. Desligue todos os serviços que eventualmente possua na Internet.

3. Desligue todos os discos ou dispositivos de salvaguarda de dados da Internet.

4. NÃO ligue qualquer dispositivo à Internet, nem mesmo tente utilizar serviços off-line de mail.

5. Cancele todos os serviços eventuais que possua agendados para 1 de Maio.

Compreendemos a inconveniência que esta operação possa causar a alguns utilizadores da Internet, e pelo facto pedimos desculpa. De qualquer modo, estamos certos de que os inconvenientes serão largamente suplantados pelo aumento de velocidade e eficiência da Internet, uma vez que tenha sido cuidadosamente limpa do lixo electrónico.

Agradeçemos a sua compreensão.

Mark Diardensen(responsável para Portugal, da Interconnected Network™ - IRO *PT*)Massachusetts Institute of Technology

Ps :Chamamos a atenção dos SYSOP's e outros, de que desde a última operação de limpeza, o número de utilizadores da Internet aumentou exponencialmente. Por favor ajudem-nos nesta tarefa, doutrinando os vosso utilizadores, através da senbilização possível e passando esta mensagem aos vossos Sub-SYSOP's. Antecipadamente gratos.

"This is a test designed to provoque a human response"

e-mail: fiat.lux@earthling.net
http://netizens.hpv.pt/jcastelb

Jesus (Cristo) estava pola legalizaçom

2005-03-30T12:36:00.000+01:00

Vaia... É de supor que estaria se é certo isto que di a imprensa séria (temos que reconhecer que o descobrimos indo de cá para lá neste proceloso mar da rede de redes).
Mas nom pensedes que os papeis de pedrojota som sempre tam assi. Para quedar bem com todo o mundo, dar umha de cal e outra de areia, nadar e guardar a roupa, pôr umha vela ao deus e outra ao dianho, etc... etc.. etc..., dos colmos dos ditos populares, publicam também este comentário, que parece tirado dum monólogo desses de canalpus do clube da tragédia (perdom, oficialmente é da comédia).
Claro, que esse titular se calhar ajuda-nos a compreender o motivo do malestar de algumhas pessoas da família real que nas últimas semanas andava polos media. Quem sabe!

E, já postos, com esta outra entenderemos porque sempre os políticos levam os discursos escritos.

Outro dia falaremos do tema da normativa.

Temos um nome para tod@(s)

2005-03-28T21:45:00.000+01:00

"Lo que ocurre después no se sabe, algunos habrán alcanzado a ver y han perecido, borrados instantaneamente por el gran olvido negro, otros se han conformado con el escape chico, la casita en las afueras, la especialización literaria o ciéntifica, el turismo". Julio Cortázar (Rayuela, 71).

"Foi lá que vi, pela primeira vez , o arbusto que dão o algodão. Encontra-se também nos bosques uma arvore cuja casca é composta de fibras extremamente fortes, que serve para fazer cordas, e que é chamada de Mahot".
Amadee François Frezier , 1712. Fonte: Ilha de Santa Catarina, Relatos de Viajantes Estrangeiros nos Séculos XVIII e XIX Florianópolis, Assembléia Legislativa, 1979.

A mulher de Bogart na época das gravaçons de Casablanca, Mayo Mahot, achava que seu marido pensava diferente da personagem e chegou a ameaçá-lo de morte se soubesse que ele tivera um relaçom com Ingrid Bergman. A cousa chegou a tal ponto que a Warner fez um seguro de vida no valor de 100 mil dólares para Humphrey Bogart .... Curiosidades arredor de Casablanca, o filme.

Los pastores de la Iglesia Reformada de Francia y sus alianzas. Quer dizer, os hugonotes.

Temos um nome para todas. Temos um nome para todas. Temos um nome para Todo.

Outro dia falaremos do tema da normativa

Água e chuva

2005-03-28T20:33:00.000+01:00

Nestes dias, o tema recorrente é que se chove ou deixa de chover, que se já fazia falta, que se o mau é que bem rápido nos cansamos dela, que se vai parar, que se nom, que se agora já e tarde, que se com isto nom chega para encher os pántanos,...

Pois si, nós também, por nom saber que dizer, recorremos ao tema recorrente. Mas é que o da água, vai ser um problema maior do que já é.

Outro dia falaremos do tema da normativa.

Manuelmarianismo

2005-03-23T13:54:00.000Z

Já falamos do possível andazo de manuelmarianismo que iamos sofrer. Agora, parece que se confirma. Que Sam Caralámpio nos colha confesados!

Outro dia falaremos do tema da normativa.

Idiotez

2005-03-23T13:50:00.000Z

"¡Amigo, comprate un despertador! ¿No ves que hace mucha compañia?". Bernardo Atxaga (Obabakoak).

Lamentavelmente, a idiotez nom tem limites.

Outro día falaremos do tema da normativa.

Nom

2005-03-18T16:54:00.000Z

Há quem pensa, seguindo a linha de négocio descuberta pola SGAE, que há que pagar por ler os livros das bibliotecas. Também há quem pensa que nom, e que a propriedade, também a intelectual é um roubo. A memória tem de ser exercitada.
Estamos com estes últimos, e com todas as pessoas que também pensem que NOM!.

Outro dia falaremos do tema da normativa.

Responso por umha academia

2005-03-08T14:31:00.000Z

Xace eiquí unha Academia.
De nena atacouna a anemia
i acometeulle a diglosia.
Sempre foi inmovilista
e, ¡como non!, bilingüista.
Viviu en pura ortodosia
de costas pró seu país.
¡Sufriu arteroesclerosia
e morreu dun paralís...!

Manuel Maria. Responso por unha academia (Cantos rodados pra alleados e colonizados. Edicións Xistral. Colección Alexandre Bóveda. 2. Ponte Vedra. Maio de 1976. I.S.B.N. 84-85271-02-5).

Como parece ser que os gardans das esências pátrias, por meio de algumhas das suas diversas, varias e diferentes, organizaçons, vam estar sacando em processom, baixo pálio, a Manuel Maria todos os dias, domingos, santos e festas gardar incluidas, até que se cumpram os dez anos do seu passamento e podam convencer a um número suficiente dos membros da RAG para que lhe dediquem o Dia das Letras, e que parece que vai ser impossível escapar desta febre delirante de manuelmarianismo irracional, decidimos recuperar hoje este poesia sua, dedicada à essa academia empenhada em ser acadêmia, à que, por certo, ele, finalmente, accedeu, fazendo parte da mesma na sua última época. Cousas da vida!, que diria o Santo da mómia com a que já há tempo que poderiam estar feitas as croquetas.
Nós proponhemos que esta poesia se convirta no hino dos blogues galegos e reintegracionistas que no cibermundo, ou no blogomilho, som.

Outro dia faleremos do tema da normativa. Ainda que hoje quase o fazemos ; )

"La terçera manera"

2005-03-07T13:47:00.000Z

"La terçera manera es que otros passan en este mundo teniéndose en el por estraños". Don Juan Manuel (El conde Lucanor).

Seguimos cá, já tu sabes, transmitindo e retransmitindo palavras sem fim com a esperança de que nos escoites. Escoita-nos, escoitas-nos?, escoita-nos. Nom diremos nada se nom queres. Mas escoita.

***

Cinqüenta vezes cento cinqüenta diremos as mesmas cousas por ver se lhe colhemos um ritmo e as aprendes de memória.

***

Defenderemos as casas das nossas avós com a força da saudade e umha pistola do mercado negro.

***

Herdarás o suor da frente e os baixos salários. As dívidas e os números vermelhos. O despedimento colectivo e o "favor que usted me hace".

***

Bem ou mal? Nós que sabemos. Nós estavamos cá onte e antonte e antesdeantonte e tudo parece seguir igual ainda que todo mudou. Bem ou mal. Nom há outra cousa?

***

Deixando cair as gotas de água sobre o guardachuvas sem necessidade de exprimir nada.
E falarmos o silêncio ao ouvido para escoitar os sonhos feitos bandeiras de papel escrito.
Ou nada. Que também é possível.

Som de entre Janeiro e Fevereiro de 1996. Daquelas, ainda pensavamos que a música nom era infinita.
Nom a Terra, mas a vida. Nom os sonhos, mas a esperança. Nom o Universo, mas a palavra.

Outro dia falaremos do tema da normativa.

Podes lembrá-lo?

2005-03-05T13:18:00.000Z

"Para quê serve um escritor se nom para destruir a literatura?". Julio Cortázar. Rayuela (99).

Lembramos agora o desejo
e somos incapazes de esquecer
a melancolia

Amor impossível
existente nas nossas palavras
e nos vossos olhos olhos

Buscávamo-nos nas horas mortas
para ficar em silêncio
ou dizer quase nada
Podes lembrá-lo?

É do ano 96, de começos do mês de Janeiro, o dia 11. Tempos fugit...

Outro dia falaremos do tema da normativa.

Cansaço

2005-03-04T11:24:00.000Z

Há vezes em que nom sabemos se é preferível a ignoráncia ao conhecimento. Viver sem conhecer, é também umha forma de caminhar cara a feliz inconsciência, cara um mundo onde nada é importante porque nada é conhecido, nada é apreendido. Às vezes, parece que esse caminho também é produtivo, quando ao erguer-se da cama, nada mais abrir os olhos, a realidade dá-nos umha boa hóstia dialéctica, ou física.
Som esses os dias nos que todo o que se pode dizer é aquilo de que amanhece, que nom é pouco.

Rompe-nos o peito dozemente
cum olá e um adeus
e deixa que nos desangremos
entre umha palavra e um silêncio
Que caia a lua cheia de cans que ouveam
ou que venha o sol com cem águias famentas
Deixa o Mundo Deixa a Terra Deixa o Tempo
mas senta
e logo de romper-nos o peito
di o nosso nome

Outro dia falaremos do tema da normativa

No calor da casa

2005-03-03T13:46:00.000Z

Maria Lado apresenta hoje berlim. Sentimos bem nom poder estar lá. As obrigas...
Enviamos desde este humilde blog de operários os nossos parabéns. E um pequeno poema, de 1995, 4 de Dezembro. Vai por ti, Maria!

Deixamos esvarar as vidas entre desejos impossíveis
e perseguimos sem rendiçom imagens alheias
que nunca conhecemos
Passam pessoas e mais pessoas
e somos nós
imóveis
quem miramos todo desde longe sem pertencer a nada
No vazio
ilhados
sonhamos com novos sonhos

Outro dia falaremos do tema da normativa

Sem mais palavras

2005-02-24T00:04:00.000Z

No diário esse que editam em Madri polo que perdem o cú os escritores e escritoras galegas por publicar umha vez à semana, ou ao mês ainda que seja (e em espanhol, por suposto), ou por aparecer resenhado na sua separta de cultura babélica insuportável, aparecia um anúncio na terça-feira 22 de Fevereiro, assinado por umha autodenominada Plataforma Cívica por Europa, no que diziam "reconhecer o espírito europeista" das pessoas que fôram votar no referendo do dia 20. Com a boca pequena, claro, deixam entrever que a quem mais agradecem é as pessoas que fôram votar SIM, pois as que votam NOM tenhem menos espírito...

Mas o melhor é ler, depois disso, escrito em letras bem grandes, outro agradecimento, em letras mais pequenas, à essas grandes entidades benéficas e sem ánimo de lucro chamadas BSCH, Telefónica, Iberdrola, Union Fenosa, Iberia, NH, AUNA e FIAT, por ter "feito possível" a campanha da citada Plataforma. Em roman paladino, isso significa por ter "posto a pasta" para pagar a campanha.

Claro, já se imaginarám que umha campanha sufragada por esse clube selecto de hermanas de la caridad (ou seriam hermanas mercenarias?), foi umha campanha pensando no interese da humanidade, no bem comum e na prosperidade colectiva...

Sem mais palavras.

Outro dia falaremos do tema da normativa.

Igual que vemos a nada

2005-02-17T19:46:00.000Z

"O sábio é aquel que, sabendo discernir as cousas que dependem dele das que nom dependem, organiza a sua vontade ao redor das primeiras, e atura de xeito impassível as segundas". Alain Badiou. (A Ética)

Pugemos entre parénteses
o mundo cheio de ruidos
e a nossa respiraçom
para nom ter que ver-nos
no espelho
na vida
igual que vemos a nada
quando nos rodeia
ou nos desborda

E por isso agora estamos assim
desfazendo-nos entre silêncios
e versos
mentres siguem caindo palavras
palavras e mais palavras
asulagando-nos os olhos

Corta-nos a respiraçom
dizendo o nosso nome
e logo deixa-nos

Gardamos silêncio
para nom ter que escolher
Ou tal vez para aprende a falar

Outro dia falaremos do tema da normativa

Ilegalizada etc.

2005-02-15T15:33:00.000Z

Quem siga as notícias dos telediários e a imprensa do sistema, terá observado que nas últimas semanas, possivelmente, já meses, umha nova organizaçom política tem aparecido diariamente nos mesmos. Trata-se da "ilegalizada Batasuna". Parece ser, que este é o nome da organizaçom que tem relevado a Batasuna no espaço político da esquerda abertzale basca, se fazemos caso da imprensa "séria", e, por suposto, "democrática" e "constitucional".
De nom ser porque a questom é bem séria, eu penso que Batasuna deveria pensar em apresentar-se aos comícios em Euskadi, agora que o lehendakari os convocou, baixo essa denominaçom de "ilegalizada Batasuna", porque desde logo já está reconhecida como tal.
Há um dito que expresa aquilo de "di-me de que presume e direi-che de que careces". É evidente que quando o Estado espanhol precisa presumir tanto de ter ilegalizado a Batasuna, fazendo já umha nova marca com o de "ilegalizada Batasuna", é porque sabe que essa decissom carece de muita utilidade práctica. Primeiro, faziam actos como "esquerda abertzale", mas agora levam tempo fazendo-os abertamente como Batasuna, ainda que o Estado espanhol prefira seguir a falar da "ilegalizada etc.".
Qualquer dia, descobriremos que os ilegalizados dirigentes da ilegalizada Batasuna celebrarom umha ilegal reuniom nas sua ilegalizadas sedes... Se é que nom tem ocorrido já e nom nos informou o telediário.
Por agora, alegramo-nos de que Batasuna, ilegalizada polo Estado espanhol ou nom, tenha recuperado um sítio web: www.orain.info. Desde aqui, queremos recomendar a sua visita, que nom sabemos se é ilegal ou nom.

Outro dia falaremos do tema da normativa.

Desculpem as moléstias

2005-02-14T18:49:00.000Z

"¡Ay, lengua sin ventura! ¿Porqué querdes dezir,
porqué quieres fablar, porqé quieres departir(...)?"
Juan Ruiz, Arcipreste de Hita. Libro del Buen Amor. 789 (a,b)

Um aneurisma renal sofrido por um dos membros do Núcleo Duro (também chamado Comité Central) de Ehus Mahot, provocou que nas últimas semanas nom puderamos atender as nossas obrigas para com este blog. Mas hoje, fazendo um esforço e sobrepondo-nos à nossa dor, e tendo conhecimento da notícia aparecida no Portal Galego da Língua falando sobre umha epidemia de blogues galegos, incluindo-nos a nós, consideramos que é a nossa obriga retomar a actualizaçom deste blogue. Queremos agradecer a GueRRilheiRa ter-se lembrado de nós, sobre todo porque pensavamos que pouca gente, ainda, nos conhecia. Muito obrigados.
E por hoje, nom poderemos escrever nada mais. Prometemos nom demorar na nossa próxima publicaçom. E um saudo para todos os blogues galegos!

Para a GueRRilheiRa, este pequeno poema, que escrevemos em 1996, e datado, concretamente, o 23 de Janeiro de 1996. Já choveu...!

Di-nos que podemos seguir na procura
em cada ideia um novo dia
em cada beijo o sonho imortal
e construiremos para ti o ceu
mentres nos deixamos cair
entre desejos e ausências

Saude e Pátria!

"En la más completa libertad aparente, sin tener que rendir cuentas a nadie, abandonar la partida, salir de la encrucijada y meterse por cualquiera de los caminos de la circunstancia, proclamándolo el necesario o el único".
Julio Cortaza. Rayuela (48).

Outro dia falaremos do tema da normativa.

Burguerking, burguerquin: comida ou política basura?

2005-01-18T15:59:00.000Z

Caminhando, navegando, buceando ou naufragando pola rede, atopamos dua páginas que practicamente tenhem o mesmo nome, mas que falam basicamente do mesmo.... Quer dizer: nom sabemos se umha fala da política dumha empresa de comida basura, ou se a outra fala da basura de política que pretendem que comamos, ou se nos figemos a picha um lio e levamos tantas horas diante da computadora que já nom distinguimos a mentira da ficçom.

Outro dia falaremos do tema da normativa.
(ainda que para isso já esta o Jaureguizar e a sua máquina de fazer amigos)

Rendíçons

2005-01-18T15:17:00.000Z

"...as palavras que falseam as intuiçons, as petrificaçons simplificantes, os cansaços em que de vagar se vai tirando do peto do chaleque a bandeira da rendiçom". Júlio Cortázar (Rayuela. Capítulo 48).

Às vezes lemos os nossos correios electrónicos, ou as capas dos diários, ou um artigo em qualquer revista das autodenominadas sérias, ou escuitamos umha cançom na rádio, ou simplesmete miramos pola janela e vemos chover,... às vezes, quando isso passa, sabemos que estamos cada vez mais e mais perto da rendiçom, da derrota, do final. Porque sabemos que é inevitável a derrota. Que perderemos em algum momento definitivamente nom só umha batalha, mas a guerra.

Sentimos, humedamente sentimos, que nós também nom imos ser a geraçom que nos liberte. Choramos. E aguardamos a que passe o dia, porque sabemos que manham ainda teremos um cento de razons para seguir em pé.

"... porque ninguém negará que o problema da realidade tem que plantejar-se em termos colectivos, nom na mera salvaçom de alguns eleitos". Júlio Cortázar (Rayuela. Capítulo 99).

Outro dia falaremos do tema da normativa.

Citas que pagam a pena

2005-01-17T22:32:00.000Z

"Me cago en las bisagras del sagrario y en los clavos de Cristo y en sus llagas y en sus espinas y me cago en la inmaculada madre que lo parió". Eduardo Galeano (Bocas del tiempo).

Outro dia falaremos do tema da normativa.

Emigrar por recomendaçom da Xunta

2005-01-17T21:34:00.000Z

La Coz, que Paliza, edita todos os Domingos um caderninho em páginas naranjas sobre Negócios, no que aproveita para publicar várias páginas de ofertas de trabalho. As pessoas que trabalhamos em precário ou que, directamente, trabalhamos no desemprego, conhecemos bem estes caderninhos, pois passamos os meiodias dos domingos (tomando uns vinhos no bar antes de comer), e as tardes, e até as manháns das segundas-feiras lendo neles, e na procura do anúncio encantado que nos libertará da nossa desdita malfadada.
Pois bem, a questom é que nesse caderninho da Coz, aparece, na sua segunda página de ofertas de trabalho, um grande anúncio da Xunta de Galiza, baixo o rótulo de Bolsa de Emprego. Se o ides ver, o da ediçom de onte, Domingo 16 de Janeiro de 2005, todas, TODAS, absolutamente todas as ofertas de trabalho que aparecem som para o estrangeiro. Quer dizer: para emigrar.
A Xunta já o tem tam asumido que até paga (a saber quanto custa esse anúncio) para que a mocidade galega (e aqueles/as que já nom som tam novas/os) emigre, ou quando menos contemple como umha opçom real -e ademais recomendada pola Administraçom- a emigraçom. As ofertas de trabalho vam desde postos para a hotelaria em Ibiza, Malhorca, as Canárias, etc... até postos no Disneyland de París, ajudantes de hotel a Inglaterra, técnicos de educaçom infantil em Dublim, enfermeiras no Reino Unido, recepcionistas de hotel em Itália, camareiros/as em Inglaterra e matronas na Suiça.
O anúncio leva o logo do Serviço Galego de Colocaçom e da Xunta de Galiza. E aportam o telefone 902 125 000 para que podamos chamar e nos dem informaçom. Chamar haveria que chamar, mas para cagar-se na família de uns quantos.
Logo, por se isto for pouco, sairám numha conferência de imprensa, dessas das que gostam os jornalistas porque som polas manháns e convidam (com o dinheiro público) a café com leite, croasáns e zumos, dizendo que na Galiza já nom existe emigraçom.

E, mentres tanto, a opossiçom oficial, séria, conseqüente e democrática, gozando das suas dietas, os seus salários e os seus gastos pagos. Pergunta de milhom: quantos filhos ou filhas de deputados do parlamentinho terám emigrado nos últimos dez anos?

Outro dia falaremos do tema da normativa.

Funcionar ao revés

2005-01-17T21:27:00.000Z

Di Manuel Fraga, que é que os gais estám orgulhosos de funcionar ao revés e que isso nom pode ser. Nom imos comentar as palavras, que se comentam soas.
Só queremos chamar a atençom sobre isso de "funcionar ao revés": ocorreria-se-lhe a ele, ou algem lhe daria essa ideia? É tam... sugestivo?...

Outro dia falaremos do tema da normativa.

Titulares e Notícias

2005-01-17T21:21:00.000Z

Se tedes memória (mesmo que nom seja histórica), lembraredes a que se montou há já umhas quantas semanas por umha suposta ameaça de bomba no estádio de futebol Santiago Bernabeu, em Madrid, quando estavam a jogar um partido as equipas do Real Madrid e a Real Sociedad (se nom estamos errados, mas em todo caso era umha equipa basca). A suposta ameaça de bomba, parece ser que fora realizada por umha pessoa que anunciava falar em nome da ETA.
Notícias em todas as televisons, em todos os telediários, nas rádios, nos periódicos ao dia seguinte, comentários de todo tipo, reacçons, denúncias, condeas, etc... etc... etc... até o aborrecimento. Vários dias coleu o asunto nos meios.
Pois resulta que onte, por meio dum comunicado feito público no diário Gara, para além de tratar outros asuntos, e reivindicar várias acçons armadas, a banda armada negava ser autora dessa amenaça de bomba, e alertava, precissamente contra as amenaças falsas. Mas, nesta ocassom, em vez dos grandes titulares, dos telediários, dos comentários, das reaccçons e dos etc... e etc.... até o aborrecimento, o asunto ou bem nom é recolhido nos meios ou é recolhido dumha maneira completamente marginal, na procura de que ninguem poda saber que a ETA nega ser autora daquela chamada de telofone. E assim por exemplo, no País, o diário dependente de quem todos sabemos, só merece quatro linhas escasas na página 15, ao final de todo dumha coluna, no limite inferior direita da página.
Mais um exemplo de informaçom plural e veraz.

Outro dia falaremos do tema da normativa.

Plágio

2005-01-16T22:26:00.000Z

Plagiamos cá (se se nos permite a expressom), umha parte do intercámbio de pareceres que há na máquina de fazer amigos do Jaureguizar, sobre bet-sellers, éxitos de vendas e demais na literatura galega.

De todas formas, recomendamos vivamente aceder ao bló original, porque as cópias sempre dam problemas.

CARA VIGO SQUARE
Eu nunca che fun moi mitómano, pero un non se atopa a cotío con Camilo Gonsar na estación de autobuses de Lugo DF. O caso é que o vin cunha gabardina azul camisoladocelta e o seu pelo branco e as súa gafas de pasta de farmacéutico. E presenteime (...).Medra o meu convencemento de que a literatura é un espectáculo non apto para tímidos, para os que rexeitan aparecer na prensa. Do contrario, Camilo Gonsar sería Manuel Rivas e Xosé Cid Cabido ocuparía o lugar de Suso de Toro.

Ehus Mahot said...
A literatura nom é que seja um espectáculo nom apto para tímidos. O que é é um negócio, umha indústria, um mercado. E nos negócios, já se sabe que a publicidade é muito importante, porque funciona bastante bem essa regra geral que di: o que nom se conhece nom se vende (...) Tú vas mercar o último disco que sai ao mercado baixo o rótulo de "superventas"? Nom, porque já sabes que é o que vai haver aí, marketing, laboratório e poucas neuronas. Pois entom, porque temos que andar alabando o último intento de best-seller da literatura galega? Um superventas, por regra geral, será um negócio, nom umha obra de arte.

Goretti Fiaño said...
Pois iso de que existan listas de ventas en galego é un bo sintoma. Debe de ser só neste país onde se asocia libros e cultura (...) Os que din que os escritores de libros de consumo son innecesarios teñen poucas miras. Celebro escritores como Camilo Gonsar, De Toro, Rivas, Anibal C. Malvar, Xosé Miranda...capaces de nos facer soñar. A vida é o que importa, a final de contas. A cultura ben pouca cousa é, e quen fai alarde de ela, pobre de espíritu.

Jaureguizar said...
Concordo no esencial cos dous. Ehus Mahot leva a razón toda no de Suso de Toro, pero houbo un Suso de Toro anterior a este que tanto me lembra a un aceptable Stephen King (Trece badaladas), houbo un Suso de Toro que arriscou e que nos deu un cumio literario como Tic Tac (...) Canto ao que di Goretti, eu tamén gustaría de ter bestseleiros, pero o noso campo lector é particular e non dá para iso. En galego le unha minoría culta, porque os lectores ocasionais non che collen un libro no noso idioma, e esa minoría rexeita vazquezfigueroas. Os nosos bestseleriños (dez mil ou quince mil exemplares) son produto das recomendacións en institutos, non de masas entusiastas asaltando El Corte Inglés.

Ehus Mahot said...
A ver: a nós também nos pareceria estupendo que a literatura galega tivera verdadeiros bet-sellers (ou como se diga), escritores/as capazes de vender miles e miles de exemplares da sua última obra, etc... etc... Mas isso nom existe. E nom por um problema exclusivo da literatura galega: é um problema na naçom galega (ou se se quer, para nom entrar em debates "nacionalistas", da sociedade galega). (...)

Goretti Fiaño said...
Si, tamén é verdade.

Jaureguizar said...
Non me expliquei de todo ben. Cando falo de best-sellers refírome a un xeito popular e facer libros: libros sinxelos e de mera evasión, códigosdavincis que se vendan a esgalla e que nos permitan dunha banda gañar lectores, aínda que sexan lectores de baixa cualificación, e por outra que permitan á editoriais gañara pasta para editar literatura de calidade. Un exemplo interesante é a editorial Xixirín, que vén de quitar 'A boa sorte' no noso idioma. Boteille unha ollada, é ben elemental, expresa o que di un refrán vasco: A sorte require que a busquen, pero vendeu millóns de exemplares en todo o planeta. O que dicía eu é que desconfío de que haxa un público popular para esa liña de textos.

Até cá a escolha, feita à treu, e sem más intençons. Só para chamar a atençom sobre o que alí se di.

Outro dia falaremos do tema da normativa.

O filho do acordeonista

2005-01-16T22:06:00.000Z

Começamos a ler.
Sempre tivemos umha especial predilecçom por Atxaga. Desde aquel Obabakoak, pareceu-nos sempre umha das vozes mais interesantes da literatura.
Nunca entendimos como o seu Um Hombre Solo pudo chegar a ser um éxito de vendas. O tema nom era desde logo fácil. As suas Memorias de umha vaca som, para nós, um exemplo a seguir. As Duas Letters, estiverom durante muito tempo nas nossas conversas e debates.

E agora este filho do acordeonista, que vimos de começar a ler, engancha-nos mais e mais em cada página. Essas frases sobre que a língua dos nossos país é em muitas ocassións umha língua estrana... Decatamo-nos de que já nom conhecemos nem o 30% do vocabulário que a cotio empregavam as nossas avós, os nossos avós.

E nom só porque desaparecera umha parte desse mundo dos velhos: é que cada vez somos mais pobres. Cada vez mais ignorantes. Desconhecemos o que realmente somos, porque no nosso ADN vai desde logo toda a informaçom que nos transmitem as geraçons anteriores, mas já nom somos capazes de procesá-la. Venderom-nos, e compramos, um sistemas incompatíveis com a nossa herdança, com a nossa história, com a nossa vida, com a nossa realidade.

Seguiremos a ler. Realmente, este Atxaga sempre tem qualquer cousa a dizer.

"Mas o pior, pesie a tudo, nom é que haja muitas inexactitudes e mentiras, pois isso quizais seja umha característica de todas as memórias. O pior é que lembrar e pôr no papel o lembrado nom trai alívio algum. Em vez de diminuir, as perguntas multiplicam-se, e a angústia fai-se mais fonda". Bernardo Ataxaga (Memorias de una vaca. Capítulo 9).

(A nossa traduçom nom será tam boa como a de Ramón Nicolás, responsável do galego de "O fillo do acordeonista" editado por Xerais, e recomendado por Jaureguizar, mas intentá-mo-lo).

Outro dia falaremos do tema da normativa.

Distáncias

2005-01-16T21:27:00.000Z

"Estamos longe de muitas cousas, mas de nada estamos mais longe que de nós próprios". Júlio Cortazar (Nicaragua tan violentamente dulce: aqui la dignidad y la belleza)

"A centos de quilómetros de nós próprios vémo-nos no espelho eterno da palavra debulhando versos estranos sobre a memória da melancolia."

Escrevemo-lo um 29 de Janeiro de 1996. Justo enriba disso, havia umha nota que dizia: "Deixará de chover e alguem sairá à rua para berrar bem forte que já choverá".
O tempo passa tam rápido, tam lento. Onte mesmo era 15 de Janeiro de 1996, estavamos em Compostela, seguro que a estas horas em algum bar, falando, tomando umhas cervejas... E agora, aqui estamos. Deixou de chover, e estamos a aguardar por alguem que venha dizer-nos que já choverá mais adiante.

E agora, que fica? Umhas quantas palavras ditas e repetidas até o aborrecimento; as imagens esquecidas de quando eramos novos; duas ou três esperanças que já sabemos inertes. Segui girando o mundo sem parar, girando, girando e girando, girando sem parar sem parar de girar, e passo a passo fumos esquecendo todo. Umha vez que também nos esquecimos de nós, a nós, cá estamos. Ainda fica por dizer qualquer cousa? E, no caso de que seja assim, para que serviria? Alguem a vai escuitar? Já estamos sós. Dizer outra cousa seria enganar-se.
Nom nos abandones, mas nom nos tenhas lástima.

"Quantas palavras, quantas nomenclaturas para um mesmo desconcerto. Às vezes convenzo-me de que a estupidez se chama triángulo, de que oito por oito é a loucura ou um cam". Julio Cortázar (Rayuela. Capítulo 2).

Outro dia falaremos do tema da normativa.

Qualquer tempo passado foi anterior...

2005-01-15T11:41:00.000Z

Deixamos umhas palavras onte à tarde para ti. Nom eram nada. Só umhas palavras mas já sabemos que nom as viche.
Pouca cousa diziam, porque pouco temos para dizer e porque nom temos muitas palavras depois tanto tempo.
Pareceu-nos que eram bonitas, ou úteis, ou interesantes, ou curiosas, ou qualquer cousa... Mas nom nos fagas muito caso. Sofremos fortes alucinaçons e desvarios desde que falamos coa lua.
E nada mais. Só chamavamos para dizer que deixamos umhas palavras onte à tarde para ti, e que nom lhes fagas muito caso, porque já nom sabemos o que andamos a dizer.

"É este o defeito das palavras. Assentamos que não há outro meio de nos entendermos e explicarmos, e acabamos por descobrir que ficamos a meio da explicação, e tão longe do entendimento que bem melhor teria sido deixar aos olhos e ao gesto o seu peso de silêncio. Tal vez mesmo o gesto seja de mais. No fim de contas, ele não é outra coisa que o desenho de uma palavra. o caminhar de uma frase no espaço. Restam-nos os olhos e o seu acceso privilegiado às aparições". José Saramago. Deste Mundo e do Outro. (A aparição).

Outro dia falaremos do tema da normativa.

Nós votaremos NOM (pequena obra de teatro num só acto)

2005-01-14T15:41:00.000Z

PEQUENA OBRA DE TEATRO NUM SÓ ACTO

- Nós votaremos sim no referendo.
- Mas em que referendo?
- No de autodeterminaçom!
- Mas este é o da Constituiçom. O da Constituiçom Europeia.
- Ah!, nom. Nesse votaremos que nom.

O Ramiro no seu Tangaranho Vermelho informa-nos sobre as Jornadas do Foro Social Galego: Galiza contra a Constituiçom Europeia. Foro Social GalegoFaculdade de Arte, Geografia e História de Compostela. Recomendamos vivamente assistir, sobre todo porque nom vam estar nem Butragueño, nem Cruyf, nem Loquillo nem Luis del Colmo a recitar versos da Constituiçom e a pedir o voto (isso sim, eles pedem o voto a cámbio de vaia saber quantos centos ou miles de euros que cobrarom por fazer a campanha).

Já diziam os Def Con Dos aquilo de que nom há nada pior que "acabar como Loquillo, de cantaautor". Agora já nom só cantaautor, também cantante. Devem ser o quarteto calavera.

Só vimos a esses quatro anunciando as marabilhas do texto, mas seguro que há mais. Porque também vimos ao Miguel Rios, aquel rockeiro trovador, nunmha suposta plataforma de artistas, a pedir o sim. E é que isso sim que som artistas! E ao Pedro Duque, um tipo que sempre está nas nuvens gastando o dinheiro do povo, a agradecer-lhe ao Poder essa oportunidade, pedindo também o sim.

Depois de ve-los a eles, convencemo-nos de que devemos pedir o nom!

Outro dia falaremos do tema da normativa.

Anticultura e canon da máfia

2005-01-14T14:58:00.000Z

BALADA INCULTA

Nom, ve-se que nom há nivel
nada nos vam dar a cultura nem quem a pariu
Foder! Homes do saber, ide cagar

Nom podedes justificar a vossa inmoralidade
é umha enfermidade que nom podedes curar

E nom nos ides convencer
podede-lo tentar, pero vo-lo fazedes muito mal

Eh! A tua superioridade
prodígio de humildade, tem-me emocionado

Es um asco, que lhe vas fazer
toda a tua cultura nem aranha a minha pel
está podre, é um puto
insulto ao bom gosto
Todo é de cor e muito marrom

No planeta-lixo os limpos
fam seguros os seus negócios graças ao amor e à oraçom
Há nivel ou nom há nivel?
Narana nanana
Narana nanana
Narana nanana
A tua cultura para os pánfilos.

La Polla Records (LP "Ellos dicen mierda, nosotros amén").

O LP é do ano 94 ou 95 do século e do milénio passado. Daquela, ainda nom existiam os cd's. Ou nós ainda nom os compravamos, porque quase ninguem tinha um inventos desses na casa. Compravamos cintas, cassetes, K7's, que lhe diziamos.
K7's como este da Polla, compravamo-los entre cinco, seis e até oito pessoas. Saia muito barato. E logo gravavamo-lo, faziamos cópias, a mogolhom. Algumhas cassetes gravamo-las até vinte e pico vezes, vinte e cinco cópias. Claro que entom ninguem pensava em dizer nada sobre cópias ilegais, que atacam à vida do músico, etc... E mira que muitas das discográficas eram pequenas discográficas independentes, que malviviam como podiam.
Tinhamos um colega que chegou à universidade, e na faculdade de filologia tivo acceso a um cacharro que gravava K7's de quatro em quatro. Aquilo foi todo um descubrimento. Copiavamos absolutamente todo. Que tempos! Com cinco mil pessetas, conseguias toda a música que querias, e ainda tinhas algo mais para ir tomar uns litros ao Berberecho...
Depois chegarom os cd's. Que soavam muito melhor, certo, mas que dificultavam isto da gravaçom. Entom, a gente já passava de cópias em K7, queria o original. Até que chegarom os gravadores de cd, que tempos mais maus! A música, polas nuvens. Com cinco mil pessetas, conseguias dous cd's, dous!, e com sorte. E nom quedava nada, nem para umha cerveja.
Por isso inventarom toda essa mentira contra o pirateu de cd's. Porque era um montom de dinheiro que eles deixavam de ganar. Era destruir o mercado, o sacrosanto mercado, e já sabedes que o mercado é a base da nossa sociedade. O totem. A única verdade inmutável.
Nós preferimos seguir comprando cd's piratas. Aprendimos a liçom. Cada vez é mais difícil consegui-lo, mas nom impossível. Nom se pescam truitas com as bragas enxoitas, di-se. E é certo.
Passa do T. Bautista e a sua máfia. Aponta-te ao pirateo, aponta-te ao boicote. Nom pagues mais de 3 euros por nengum cd.

Agora, do que se trata, é de que tambem haja pirateo de livros, e podas mercar o livro de Atxaga, por exemplo, traduzido ao galego por 3 euros, e nom polos 24 euros que é o preço ao que o vende Xerais. Depois de ler umha crítica de Jaureguizar, onde falava da boa traduçom do Ramom Nicolas, decidimos comprá-lo. Já vos contaremos. Mas se alguem o quer fotocopiar (ainda que nom será mais barato, que no-lo pida).

Outro dia falaremos do tema da normativa.

Relógios

2005-01-13T22:13:00.000Z

"...Logo estam os relógios. Isso já merece um comentário aparte. Os relógios marcam a hora que a eles lhes peta, e nós aceitámo-lo como a única hora boa e verdade. Mas, quem nos obriga? Quem nos asegura que as três som as três e nom as dezaseis ou as vinte e umha? Que felizes iamos ser se nom houvera relógios."

Autocitamo-nos, porque isto é do 3 de Outubro de 1995. Escrevimo-lo um dia depois de estar várias horas (?) sentados no Caldeirom, lá, no final da rua nova de abaixo, chegando a álferes provisional, que nós renomeamos como capitam-de-quando-em-vez. Era na época heroica...

Outro dia falaremos do tema da normativa.

O poeta é um fingidor

2005-01-13T22:04:00.000Z

Sim. Bem, é certo.

Foi assim que deixamos de escuitar ruidos e perdimos por completo os sentidos.

Outro dia falaremos do tema da normativa.

Identidade

2005-01-13T22:00:00.000Z

"Na época alexandrina empregou-se o nome de Hermes Trismegistus para respaldar os escritos dum grupo de eruditos. Supunha-se que este autor escrevera 42 livros que eram um compéndio de todos os saberes, e foi muito venerado polos alquimistas, astrólogos e magos medievais."

Nota 1, pg. 107, capítulo decimonono, livro 1º de "Vida y opiniones del Caballero Tristam Shandy", de Laurence Sterne. Ediçom de Fernando Toda. Cátedra. Letras Universales. Traduçom de José Antonio López de Letona. Madrid, 1985.

Outro dia falaremos do tema da normativa.

Desde este beira da linguagem todo parece mais singelo

2005-01-13T19:36:00.000Z

Recebimos um correio electrónico na nossa conta de correio electrónico (gratuita) (ehusmahotgz@hotmail.com), comentando essa crítica às profisons dos nossos escritores, e perguntando, meio ironicamente, a ver se é que nós somos todos trabalhadores da citroem ou da naval... Que cousas! O certo é que nom gostamos muito de falar de nós, e menos sem vir a conto, mas responderemos, publicamente, ao comentário.

Das pessoas que fazemos parte de Ehus Mahot, duas som carneceiras. Tenhem umha carnezaria, vaia. Som curmáns, o pai de um deles tinha umha carnezaria, e deijou-lha ao seu filho, que se associou com este outro. Um terceiro membro é mineiro, trabalha numha mina. Quere aclarar que se o vedes muitas vezes por aí nom é porque nom trabalhe, mas porque tem umhas turmas de trabalho bastante raras: curra quatro dias e libra dous, curra outros quatro e libra outros dous, e finalmente curra cinco e libra tres e meio. Sua, realmente, o pam que come. Um outro membro nom quer explicitar no que trabalha, porque di que se o di todo o mundo vai saber que é, e nom quer, mas jura e promete, ante notário se fai falta, que nom é funcionário. Um outro trabalha num talher de carros, fazendo um pouco de todo. E por último, o último integrante do chamado Núcleo Duro de Ehus Mahot, núcleo que entre nós também é chamado Comité Central, é peom da construçom. A estes homes e mulheres, há que somar outras pessoas, nom ligadas directamente ao núcleo como tal, mas a algum dos seus componentes, que colaboram e fam parte, esporadicamente, de Ehus Mahot: durante umhas horas, durante uns dias, durante umhas semanas. Vam e venhem, venhem e vam. Estam de passo e passam de tudo.

Aclarado isso, queremos seguir com o nosso, que nom é falar de nós. Nom tem sentido. Para falar de nós já nos vemos nos bares, cafetarias, pubs, tascas, centros sociais, gharitos, etc...

"Huye de lo grandioso si no quieres morir aplastado por un merengue". Vicente Huidobro. Altazur: fragmento de un viaje em Paracaidas.

"Reconhezamos dumha vez por todas que também perdimos a palavra cultura (igual que ao longo dos anos perdimos outros centos de palavras), e deijemos-lha exclussivamente a eles. Procuremos nós, para nós, desde nós, outra palavra com a que identicarmo-nos.
Cultura para eles: só para eles. É já umha palavra podre; fede a quilómetros de distáncia. É evidente que leva anos morta. Para eles cultura, igual que para eles parlamento, orde, seguridade,... Som as suas palavras: quando nom sabem que dizer, botam mao delas; quando nom sabem que respostar a umha pergunta um tanto impertinente, a umha pergunta nom pactuada previamente, pronunciam-nas; quando falam sem dizer nada, porque nom tenhem nada que oferecer, e só pretendem que os escuitemos, a falar sem parar, repete-nas até o esgotamento.
Som palavras vazias, ocas, insignificantes. Conseguirom situá-las ao mesmo nível, ou mais baixo ainda, que as preposiçons. Por tanto, puros nexos entre vazios e nadas.
Procuremos para nós outras cousas. Outra cousa. Outra palavra. Outras palavras. Outra ideia. Mais alá do sol da subvençom e o mar das axudas institucionais. Mais alá do pesebrismo oficial. Mais alá de quanto odiamos e combatimos. Mais alá. Muito mais alá.
Contra a cultura. Para demostrar que ainda temos ganas de incomodar e viver!!!"

Escrevimos isto em 1995. Concretamente, o dia 20 de Julho de 1995. E ainda sigue com nós. Nos nossos cadernos. Na nossa memória. Nos disquetes.
Já o dizia a cançom aquela: "o tempo passa-se, imo-nos fazendo velhos..."

Outro dia falaremos do tema da normativa.

Já lhe digemos que este era um blog que a vosté nom lhe interesa.

2005-01-12T19:52:00.000Z

Nós já lho advertimos.
Constava no título (asunto) do correio electrónico que vosté recebeu na sua conta de corrreio electrónico e que nós enviamos desde a nossa conta de correio electrónico.
Pois entom, para quê veu cá. Já o sabia. Agora nom reclame. A decissom foi sua. Suas som as culpas.
Cada pau que terme da sua... da sua... da sua... candeia(?).
Mas, já que chegou até este lugar, espaço ou sítio, daremos-lhe, por cortesia da casa, umha pequena estrofa de Madredeus, do seu tema Milagre:

"Onde está a tua voz? Quero ouvir a tua voz
Onde está a tua voz? Queria ouvir a tua voz"

Lembramos aqueles dias de (mal) estudantes namorados dum amor impossível, onde repetiamos sem cesar essas palavras, e onde punhamos dia tras dia essa música no cd portátil que nos regalaram uns amigos (entre os que estava, era de esperar, o nosso amor impossível).
Sigue a ser o nosso amor impossível (quando menos, o de algum de nós). De quando em vez, falamos com ela, por telefone ou em pessoa. Seguimos a escuitar Madredeus; mas os discos antigos. O último que mercamos deles é um cd de versons electrónicas. Mesmo gostamos.

Outro dia falaremos do tema da normativa.

Cortazar está com nós

2005-01-12T19:14:00.000Z

Quem nos derá. Se realmente Cortazar estivera com nós, outro galo cantaria. Há um filme argentino, nom lembramos o título, practicamente só lembramos esta cena que vou contar, umha personagem di a outra, que é ou quer escritor: "Vós tenés algo de Cortazar", e a resposta é "Si, un poster en el cuarto". Realmente, o guionista do filme, entendeu Cortazar.
Cada vez que lemoz novamente qualquer dos capítulos de Rayuela, entendemos algo mais da vida. Sabemos que os religiosos fam o mesmo com os livros sagrados, com a bíblia, com o Coram,... Pode que nós sejamos Cortazianos. Nom está mal.
"Yo, melibeo soy, em Melibea creo y a Melibea amo", dizia o protagonista da Celestina.
Pois nós, Cortazianos somos, em Cortazar cremos e a Cortazar amamos.

"¿Porqué escribo esto? No tengo ideas claras, ni siquiera tengo ideas. Hay jirones, impulsos, bloques, y todo busca una forma, entonces entra en juego el ritmo y yo escribo dentro de ese ritmo, escribo por él, movido por él y no por eso que llaman el pensamiento y que hace la prosa, literaria u otra". (Rayuela, 82)

É difícil explicá-lo melhor. Impossível. E isso é no que pensamos, ou no que pensas tu, o no que pensa outra pessoa, "... mientras revuelve el café en la tacita que va de boca en boca por el filo de los dias". (Rayuela, 132).

A melhor inversom que figemos neste Dezembro, que anuncia um Janeiro difícil e pobre, é comprar os três tomos por agora publicados das obras completas de Cortazar. Os próximos dous meses, teremos que voltar aos macarrons do Dia com tomate frito. Os dias de festa, ketchup.

Outro dia falaremos do tema da normativa.

Liberrima liberdade

2005-01-12T18:40:00.000Z

Já escuitamos algumhas vozes a dizer, a falar, a comentar... Nom nos importamos por isso. E também nom nos exportamos: nom imos marchar, nem imos mandar a nossa voz, as nossas letras cara outros lares. Nom!
Sabemos que haverá quem pense que nom é liberdade, que é libertinagem. Pois bem, nós dizemos: sim! Liberdade, liberrima liberdade, libertinagem.
Orgulhosos da nossa libertinagem (que nom do nosso liberalismo). Libertinos, libertários e líbidosos. Por suposto. É por isso que estamos sempre dispostos, sempre listos, sempre.
Somos bem conscientes que somos umha minoritária minoria, e que nom estám de moda as cousas das que gostamos. E que?
O que lhe sucede à literatura galega é que o 99'9 por cento dos e das escritoras som funcionários/as. Fixai-vos bem. Repasade a nómina. E os que nom som funcionários, tenhem profisións similares: uns quantos jornalistas, avogados ou qualquer cousa polo estilo. Quantos fontaneiros haverá? E pintores? Trabalhadores/as do metal? Camioneiros? Labregos? Operários da construçom? Desempregados? Trabalhadores em precário?...
É certo que há uns quantos estudantes, umhas quantas estudantes. Mas só aqueles/as que vam para funcionários/as.
Explicou o marxismo há já tempo avondo, que som as condiçons materiais de existência as que determinam as condiçons sociais, ou umha cousa assim penso que era. Pois tal qual.
Temos umha literatura mais bem aborrecida porque os autores e autoras som mais bem todos uns aborrecidos.
E nom só som funcionários os da Xunta ou dos ministérios, nom. Também estam os funcionários do partido, do sindicato, da organizçom de massas ou de algum dos vários satélites que vivem ao redor do partido (chamem-se organizaçons culturais, de defesa, suposta, da língua, juvenis, etc...).
Estamos rodeados, sabemo-lo bem. Mas seguimos a respirar.
Respiramos.
E nom é pouco.
Outro dia, falaremos do tema da normativa.

Ehus

Entendo que quando digo partido, todas e todos sabemos a que organizaçom me refiro, nom? Nom é questom de dar nomes, porque nós nom somos evidencialistas.

DE TORQUEMADA A GONZALEZ

2005-01-12T16:31:00.000Z

A nomeação de Alberto Gonzalez para o cargo de Procurador-Geral dos EUA acaba de ser aprovada pelo Senado. O referido indivíduo foi o autor, em Agosto de 2002, de um parecer jurídico em que considerou ter o presidente americano poderes para autorizar a tortura, isentar os seus praticantes das respectivas consequências penais e poderem os EUA contornar as Convenções de Genebra. Depois disso a tortura tornou-se endémica entre os militares americanos e a CIA, nos centros de detenção de Guantanamo, Iraque, Afeganistão, Diego Garcia e muitas outras instalações por todo o mundo. Gonzalez pode ser considerado como o arquitecto legal IV Reich.

tirado de www.resistir.info

Outro dia falaremos do tema da normativa.

Autoclismo Total, autoclismo mental

2005-01-12T16:20:00.000Z

Agora sim, que sim...
Por fim chegamos. Cá estamos. E nom nos vamos. Chegamos para ficar.
O autoclismo, o autoclismo total, nom é umha nova marca, nom é marketing nem merchandaising.
Somos e seremos nós. Começar nunca foi tarefa fácil, mas depois de tantos fracasos, tantos desastres e tantas derrotas, estamos dispostos a novamente perder umha batalha, sabendo que o importante é nom perder a guerra.
Tacticamente pesimistas e estrategicamente optimistas, cá estamos. Dispostos para a derrota. De derrota em derrota até a vitória final!.
Ainda estamos vivos. Avante toda! e benvindos/as à nossa humilde morada.
(Nós nom somos dignos de que entredes na nossa casa, mas umha palavra vossa avondará para salvar-nos).

Outro dia, falaremos do tema da normativa.